ஒரு நாள்  தான் மகளிர் தினமா ?

தாயாகி மண்ணாகி மொழியாகி
சேயின் கருவாகி உயிரானவளே !
நீரின்றி அமையாது உலகு !
நீயின்றியும் அமையாது உலகு !




பெண்ணில்லாத ஆணும் இல்லை
பெண்ணில்லாத மண்ணும் இல்லை !
 நீ இல்லாத கவிதையும் இல்லை
காவியங்கள் எதுவும் எழுதப்படவில்லை !


எதிர்த்து வரும் புலிக்கு
உன் முறம் போதும்
அடம் பிடிக்கும்  குழந்தைக்கு
உன் முத்தம் போதும் !

நிலவில்  கால் நீட்டி வடை சுட்டவள் 
நீ இருக்கும் போது !
முதலில் கால் பதித்தவன் நானென்று
ஆம்ஸ்ட்ராங் மார் தட்டிக்கொள்ள முடியாது !

பண்பின் பாசத்தின் முகவரியே !
அன்பின் அமைதியின் முழுமதியே ! -நீ
அமைதிப்படையில் இருந்திருந்தால்
இலங்கையில் இனப்படு கொலையே நடந்திருக்காது !





ஒவ்வொரு ஆணுக்கும் தெரியும் - உன்
தியாகமும் வலிமையும்
யார் கண்ணுக்கும் தெரியாது - உன்
வலியும் வேதனையும்

ஒவ்வொரு நாளும் கொண்டாடவேண்டியவள் நீ
உன் தியாகங்களுக்கு ஒரு நாள்  தான் மகளிர் தினமா ?

Dr.R.RENGARAJ
SUN NEWS